Ang Chaplet ng Banal na Awa ay dinarasal gamit ang ordinaryong Rosaryo na may limang dekada. Ang dasal na ito ay batay sa Diary ni St. Faustina Kowalska.

1. Ang Tanda ng Krus

Sa ngalan ng Ama, ng Anak at ng Espiritu Santo Amen.

2. Panimulang Panalangin

Pumanaw ka Hesus subalit ang bukal ng buhay ay bumalong para sa mga kaluluwa at ang karagatan ng awa ay bumugso para sa sanlibutan.

O bukal ng buhay, na walang Hanggang Awa ng Diyos, balutin  mo ang sangkatauhan at ibuhos mong ganap ang iyong sarili para sa aming lahat.  (Ulitin ng tatlong beses)

3. Ama Namin

Ama namin, sumasalangit Ka. Sambahin ang ngalan Mo. Mapasaamin ang kaharian mo Sundin ang loob Mo dito sa lupa para nang sa langit.

Bigyan Mo kami ng aming kakanin sa araw-araw At patawarin Mo kami sa aming mga sala Para nang pagpapatawad namin sa nagkakasala sa amin. At huwag Mo kaming ipahintulot sa tukso At iadya Mo kami sa lahat ng masama

Amen

4. Aba Ginoong Maria

5. Sumasampalataya Ako

Sumasampalataya ako sa Diyos Amang Makapangyayari sa lahat, na may gawa ng langit at lupa.

Sumasampalataya ako kay Hesukristo, iisang Anak ng Diyos, Panginoón nating lahat. Nagkatawang-tao Siya lalang ng Espíritu Santo, ipinanganak ni Santa Mariang Birhen. Pinagpakasakit ni Poncio Pilato, ipinakò sa krus, namatay, inilibing. Nanaog sa kinaroroonan ng mga yumao. Nang may ikatlong araw, nabuhay na mag-ulî. Umakyat sa langit, naluluklok sa kanan ng Diyos Amang Makapangyayari sa lahat. Doon magmumulang paririto’t maghuhukom sa mga nangabubuhay at nangamatay na tao.

Sumasampalataya naman ako sa Diyos Espíritu Santo; sa Banal na Simbahang Katólika; sa kasamahan ng mga Banal;  sa kapatawaran ng mga kasalanan;  sa pagkabuhay na mag-ulî ng mga nangamatay na tao; at sa buhay na walang-hanggan.

Amen.

6. Ama na Walang Hanggan

Ama na Walang Hanggan, iniaalay ko po sa Inyo ang Katawan at Dugo, Kaluluwa at Pagka-Diyos ng Kamahal-mahalan Mong Anak na si Hesu-Kristo, na aming Panginoon at Manunubos. Para sa ikapagpapatawad ng aming mga kasalanan at sa sala ng buong sansinukob.

7. Sa bawat 10 maliliit na butil ng bawat dekada

Alang-alang sa mga tiniis na hirap at kamatayan ni Jesus,

Kaawaan Mo po kami at ang buong sansinukob.

8.Ulitin ang mga natitirang dekada

Dasalin ang “Ama na Walang Hanggan” (6) sa malaking butil pagkatapos ulitin muli ng 10 beses ang “Alang alang sa mga Tiniis na Hirap ni Hesus”.

9. Magtapos sa pagdadasal ng Banal na Diyos (3x)

Banal na Diyos, Banal na Puspos ng Kapangyarihan, Banal na Walang Hanggan, maawa po Kayo sa amin at sa buong mundo. 

Amen.

*Tanda ng Krus*

10. Panalanging Pang-wakas

Walang hanggang Diyos, na ang awa ay walang katapusan at ang kabangyaman ng habag na di maubosubos, masuyong tingnan po kami at palagoin nyo po ang awa sa amin, nang sa mahihirap na sandali ay maaring di kami panghinaan ng loob, o kayay malupaypay, kundi ng may malaking pananalig isuko ang aming sarili sa iyong banal na kalooban, na siya ring pagibig at awa din.

Tignan ang English Version.